"Ашық есік күні" іс-шарасына экскурсия

2026 жылдың 29 мамыр күні 9 сынып оқушыларына кәсіби бағдар беру, азаматтық қорғаныс және қауіпсіздік мәдениетін қалыптастыру мақсатында аудандық Төтенше жағдайлар қызметі ғимаратында ұйымдастырылған "Ашық есік күні" іс-шарасына экскурсия жасалды. Экскурсия барысында оқушыларға төтенше жағдайлардың алдын алу, өрт қауіпсіздігі ережелері, құтқарушылардың күнделікті қызметі туралы жан-жақты ақпарат берілді. Қызметкерлер арнайы техникалар мен құрал-жабдықтарды таныстырып, олардың қолданылу ерекшеліктерін көрсетті. Оқушылар өз көздерімен өрт сөндіру автокөліктерін, құтқару құралдарын көріп, құтқарушы мамандарға өздерін қызықтырған сұрақтарын қойды.